ایلون مسک کا امریکی بچوں کو اربوں ڈالر کے شیئرز تحفے میں دینے کا اعلان

رپورٹ کے مطابق ایلون مسک کے پاس اسپیس ایکس کے 4 ارب 80 کروڑ شیئرز ہیں اور وہ کمپنی کے 48.4 فیصد حصص کے مالک ہیں۔ امریکا میں 18 سال سے کم عمر بچوں کی تعداد یکم جولائی 2025 کے اعداد و شمار کے مطابق تقریباً 7 کروڑ 20 لاکھ ہے۔

خبر میں فراہم کردہ اندازے کے مطابق ان شیئرز کی مجموعی مالیت تقریباً 10 ارب 50 کروڑ ڈالر بنتی ہے۔ ایلون مسک نے سوشل میڈیا پلیٹ فارم ایکس پر اپنی پوسٹ میں کہا کہ یہ ان کا پہلا عطیہ ہوگا اور مستقبل میں وہ اس نوعیت کے مزید اقدامات بھی کریں گے۔

یہ بھی پڑھیں: ایران جنگ میں امریکا سے بڑی غلطیاں ہوئیں: جے ڈی وینس

تاہم، ایلون مسک نے تاحال یہ واضح نہیں کیا کہ شیئرز امریکی بچوں تک کس طریقے سے پہنچائے جائیں گے اور اس منصوبے پر عمل درآمد کیسے ہوگا۔

ایلون مسک کا یہ بیان اس وقت سامنے آیا جب مصنوعی ذہانت کی کمپنی انتھروپک نے اپنے 5 فیصد شیئرز عوامی فلاح کے لیے مختص فنڈ کو دینے کے ارادے کا اعلان کیا تھا۔ اس پر ردعمل دیتے ہوئے مسک نے مشورہ دیا کہ شیئرز عوام کو براہ راست دیے جانے چاہییں، جیسا کہ وہ خود کرنے کا ارادہ رکھتے ہیں۔