ایشین گیمز فائنل میں بھارت کی پاکستان کو شکست
پاکستان نے بھارت کے 212 رنز کے ہدف کے تعاقب میں مقررہ 20 اوورز میں 6 وکٹوں کے نقصان پر 192 رنز بنائے۔
فائنل میں بھارت نے ٹاس جیت کر پہلے بیٹنگ کا فیصلہ کیا اور 20 اوورز میں 6 وکٹوں کے نقصان پر 211 رنز بنائے۔ بھارت کی جانب سے ابھیشیک شرما نے 28 گیندوں پر 61 رنز کی جارحانہ اننگز کھیلی، جبکہ تلک ورما نے 22 گیندوں پر ناقابل شکست 51 رنز بنائے۔
پاکستان کی جانب سے حسن نواز نے شاندار بیٹنگ کا مظاہرہ کرتے ہوئے 51 گیندوں پر 96 رنز کی اننگز کھیلی، جس میں 5 چوکے اور 7 چھکے شامل تھے، تاہم ان کی کوشش پاکستان کو فتح دلانے کیلئے کافی ثابت نہ ہوسکی اور وہ اننگز کی آخری گیند پر آؤٹ ہوگئے۔
صائم ایوب نے 22 گیندوں پر 29 رنز بنائے جبکہ معاذ صداقت نے 23 رنز کی اننگز کھیلی۔ بھارت کی جانب سے اکشر پٹیل، واشنگٹن سندر اور شیوم دوبے نے 2،2 وکٹیں حاصل کیں۔
پاکستانی ٹیم نے ہدف کا تعاقب کرتے ہوئے ابتدا میں وکٹیں گنوائیں، تاہم حسن نواز نے مزاحمت کرتے ہوئے میچ کو آخری اوورز تک دلچسپ بنائے رکھا، پاکستان کی ٹیم 20 اوورز میں 192 رنز تک محدود رہی۔
یہ بھی پڑھیں:پی ایس ایل 12: پاکستان سپر لیگ 19 مارچ سے شروع ہونے کا امکان
اس فتح کے ساتھ بھارت نے ایشین گیمز میں مردوں کے کرکٹ مقابلوں کا گولڈ میڈل دوبارہ اپنے نام کرلیا۔
