قومی بچت اسکیموں سے منسلک سرمایہ کاروں کیلئے خوشخبری

جاری نوٹیفکیشن کے مطابق ڈیفنس سیونگز سرٹیفکیٹ کی شرح منافع میں 19 بیسس پوائنٹس کا اضافہ کیا گیا ہے، جس کے بعد اس اسکیم پر منافع کی نئی شرح 11.80 فیصد مقرر کردی گئی ہے۔

اسی طرح بہبود سیونگز سرٹیفکیٹ اور پنشنرز بینیفٹ اکاؤنٹ کی شرح منافع میں 12 بیسس پوائنٹس اضافہ کیا گیا، جس کے بعد ان اسکیموں پر نئی شرح 12.72 فیصد ہوگئی ہے۔

یہ بھی پڑھیں: سونے اور چاندی کی قیمتوں میں ایک بار پھر بڑی کمی

وزارت خزانہ کے مطابق ریگولر انکم سرٹیفکیٹ پر منافع کی شرح میں 60 بیسس پوائنٹس کا اضافہ کیا گیا ہے، جس کے بعد نئی شرح 11.76 فیصد مقرر کی گئی ہے۔

نوٹیفکیشن کے مطابق اسپیشل سیونگز سرٹیفکیٹ کی شرح منافع میں 74 بیسس پوائنٹس تک اضافہ ہوا ہے، جس کے بعد سرمایہ کاروں کو 11.82 فیصد منافع ملے گا۔

دوسری جانب سروا اسلامک ٹرم اکاؤنٹ کے 3 سالہ پلان پر شرح منافع میں 41 بیسس پوائنٹس کا اضافہ کیا گیا ہے، جس کے بعد نئی شرح 11.57 فیصد ہوگئی ہے۔

اسی اکاؤنٹ کے 5 سالہ پلان پر شرح منافع میں 54 بیسس پوائنٹس اضافہ کیا گیا، جس کے بعد اس پلان کی نئی شرح 11.70 فیصد مقرر کردی گئی ہے۔

حکومت کی جانب سے قومی بچت اسکیموں کی شرح منافع میں یہ تبدیلیاں نئے نوٹیفکیشن کے تحت نافذ کی گئی ہیں۔