کے الیکٹرک صارفین بجلی بل پر 7.5 فیصد ٹیکس سے چھوٹ کیسے حاصل کریں؟
فائل فوٹو
Updated | Published October, 11 2026 |
کراچی(ویب ڈیسک) کے الیکٹرک کے بجلی بلوں میں مختلف اقسام کے ٹیکس وصول کیے جاتے ہیں، تاہم اہل صارفین ایک آسان طریقہ اپنا کر بل میں عائد 7.5 فیصد ایڈوانس انکم ٹیکس سے استثنیٰ حاصل کرسکتے ہیں۔
اس مقصد کے لیے صارفین کو کے الیکٹرک کی آفیشل ویب سائٹ ke.com.pk پر جانا ہوگا، جہاں اپنی معلومات اپ ڈیٹ کرکے ٹیکس چھوٹ کے لیے درخواست دی جاسکتی ہے۔
طریقہ کار کے مطابق ویب سائٹ کھولنے کے بعد “Update Customer Details” کے آپشن پر کلک کریں۔
اس کے بعد متعلقہ خانے میں اپنا کے الیکٹرک اکاؤنٹ نمبر اور قومی شناختی کارڈ نمبر درج کریں۔
تمام معلومات درج کرنے کے بعد “Submit” کے آپشن پر کلک کریں، جس سے آپ کی معلومات اپ ڈیٹ ہوجائیں گی۔
اس طریقہ کار پر عمل کرکے اہل صارفین اپنے بجلی بل میں 7.5 فیصد ایڈوانس انکم ٹیکس سے استثنیٰ حاصل کرسکتے ہیں۔ تاہم، ٹیکس چھوٹ کا اطلاق صارف کی اہلیت اور متعلقہ قواعد و ضوابط کے مطابق ہوگا۔
