موسم کیسا رہے گا؟ محکمہ موسمیات نے بتا دیا

محکمہ موسمیات کے مطابق صوبائی دارالحکومت کوئٹہ میں زیادہ سے زیادہ درجہ حرارت 33 ڈگری سینٹی گریڈ ریکارڈ کیا گیا، جبکہ قلات میں درجہ حرارت 29 ڈگری رہا۔

موسمیاتی اعداد و شمار کے مطابق زیارت میں زیادہ سے زیادہ درجہ حرارت 24 ڈگری سینٹی گریڈ ریکارڈ کیا گیا، جو صوبے کے دیگر علاقوں کے مقابلے میں نسبتاً کم رہا۔ ژوب میں درجہ حرارت 33 ڈگری جبکہ سبی میں 38 ڈگری سینٹی گریڈ ریکارڈ کیا گیا۔

دوسری جانب تربت میں زیادہ سے زیادہ درجہ حرارت 37 ڈگری سینٹی گریڈ ریکارڈ ہوا، نوکنڈی صوبے کا گرم ترین علاقہ رہا، جہاں زیادہ سے زیادہ درجہ حرارت 41 ڈگری سینٹی گریڈ تک پہنچ گیا۔

محکمہ موسمیات کے مطابق چمن میں زیادہ سے زیادہ درجہ حرارت 32 ڈگری سینٹی گریڈ ریکارڈ کیا گیا، جبکہ ساحلی علاقوں میں گوادر اور جیوانی کا موسم بھی گرم رہا۔ گوادر میں درجہ حرارت 31 ڈگری جبکہ جیوانی میں 32 ڈگری سینٹی گریڈ ریکارڈ ہوا۔

محکمہ موسمیات نے بلوچستان کے بیشتر اضلاع میں موسم گرم اور خشک رہنے کی پیشگوئی کرتے ہوئے شہریوں کو احتیاطی تدابیر اختیار کرنے کی ہدایت کی ہے۔

ماہرین کے مطابق دن کے اوقات میں درجہ حرارت زیادہ ہونے کے باعث شہری غیر ضروری طور پر دھوپ میں نکلنے سے گریز کریں اور جسم میں پانی کی کمی سے بچنے کیلئے مناسب مقدار میں پانی کا استعمال کریں۔

یہ بھی پڑھیں:سہیل آفریدی کا لانگ مارچ شروع کرنے کا اعلان، روٹ میپ جاری

صوبے کے مختلف علاقوں میں درجہ حرارت میں فرق کے باوجود مجموعی طور پر موسم خشک رہنے کا امکان ہے۔