لاہور ایک پھر آلودہ ترین شہروں میں شامل ہوگیا
فضائی آلودگی کے اعداد و شمار کے مطابق علامہ اقبال ٹاؤن کے اطراف میں آلودگی کی شرح 215 ریکارڈ ہوئی، جبکہ ماڈل ٹاؤن میں یہ شرح 210 رہی، اے آر سی کے علاقے میں فضائی آلودگی کی شرح 201 ریکارڈ کی گئی۔
اسی طرح پیراگون میں آلودگی کی شرح 194، برکی روڈ پر 183، ڈی ایچ اے میں 177، بیدیاں روڈ کے اطراف 176 جبکہ عسکری 10 میں فضائی آلودگی کی شرح 156 ریکارڈ کی گئی۔
محکمہ موسمیات کے مطابق شہر میں آج بارش کا کوئی امکان نہیں، جبکہ زیادہ سے زیادہ درجہ حرارت 35 ڈگری سینٹی گریڈ تک جانے کا امکان ہے۔
لاہور میں اس وقت درجہ حرارت 30 ڈگری سینٹی گریڈ ریکارڈ کیا گیا ہے جبکہ کم سے کم درجہ حرارت 25 ڈگری سینٹی گریڈ رہنے کی توقع ہے۔
موسم کی صورتحال کے مطابق شہر میں ہوائیں 6 کلومیٹر فی گھنٹہ کی رفتار سے چل رہی ہیں جبکہ ہوا میں نمی کا تناسب 66 فیصد ریکارڈ کیا گیا ہے۔
یہ بھی پڑھیں:سرحدی علاقوں میں زلزلے کے شدید جھٹکے
ماہرین کے مطابق شہریوں کو فضائی آلودگی کی بلند شرح کے دوران غیر ضروری طور پر کھلے مقامات پر وقت گزارنے سے گریز کرنا چاہیے، خصوصاً حساس افراد کو احتیاطی تدابیر اختیار کرنے کی ضرورت ہوتی ہے۔ تاہم فضائی آلودگی کی شرح میں کمی یا اضافے کا انحصار موسمی حالات، ہواؤں اور دیگر عوامل پر ہوتا ہے۔
