پاک سعودی سفارتی پاسپورٹ پر ویزا شرط ختم
یہ معاہدہ نائب وزیراعظم اور وزیر خارجہ اسحاق ڈار اور اور سعودی وزیر خارجہ شہزادہ فیصل بن فرحان نے نیویارک میں اقوام متحدہ کی جنرل اسمبلی کے اجلاس کے موقع پر کیا۔
معاہدے کے تحت دونوں ممالک کے سفارتی اور سرکاری یا خصوصی پاسپورٹ رکھنے والے افراد کو ایک دوسرے کے ملک جانے کے لیے ویزا لینے کی ضرورت نہیں ہوگی، اس سہولت کا اطلاق عام پاسپورٹ رکھنے والے شہریوں پر نہیں ہوگا۔
یہ بھی پڑھیں: مسلح افواج دہشتگردی کو شکست دینے کیلئے پرعزم ہیں: فیلڈ مارشل
اسحاق ڈار نے کہا کہ یہ اقدام پاکستان اور سعودی عرب کے درمیان اعلی سطح کے رابطوں اور ادارہ جاتی تعاون کو مزید آسان بنائے گا جبکہ باہمی دلچسپی کے شعبوں میں دونوں ممالک کی اسٹریٹجک شراکت داری کو بھی فروغ ملے گا۔
ملاقات کے دوران اسحاق ڈار نے سعودی عرب کے ساتھ پاکستان کی یک جہتی کا اظہار کرتے ہوئے مملکت کو نشانہ بنانے والے حالیہ حملوں کی مذمت بھی کی، دونوں وزرائے خارجہ نے مکہ مشترکہ دفاعی معاہدے سے متعلق امور پر بھی تبادلہ خیال کیا اور علاقائی امن و سلامتی کیلئے تعاون جاری رکھنے کے عزم کا اعادہ کیا۔
