زہریلی چائے پینے سے 2 بہنیں جان سے ہاتھ دھو بیٹھیں

تفصیلات کے مطابق چکوال کے نواحی قصبے چک بھون میں مبینہ طور پر زہریلی چائے پینے کے بعد انتہائی افسوسناک واقعہ پیش آیا ہے، جس کے نتیجے میں 2 بہنیں موقع پر ہی جاں بحق ہو گئیں جبکہ ان کی والدہ کی حالت تشویشناک بتائی جا رہی ہے۔

متاثرہ خاتون کے بیٹے نے بتایا کہ جب وہ گھر پہنچا تو دونوں بہنیں مردہ حالت میں پڑی تھیں جبکہ والدہ کی حالت انتہائی ابتر تھی۔

یہ بھی پڑھیں: عمرہ زائرین کیلئے ویکسینیشن کارڈ کی شرط مؤخر

دونوں بہنوں کی لاشوں کو پوسٹ مارٹم کے لیے ڈسٹرکٹ ہیڈ کوارٹرز ہسپتال منتقل کر دیا گیا ہے، جبکہ تشویشناک حالت کے پیش نظر والدہ کو فوری طور پر راولپنڈی کے ہسپتال منتقل کر دیا گیا ہے۔

ابتدائی معلومات کے مطابق شبہ ظاہر کیا جا رہا ہے کہ چائے بناتے وقت غلطی سے کوئی زہریلی چیز شامل ہو گئی تھی جس کی وجہ سے یہ حادثہ پیش آیا۔

دوسری جانب پولیس حکام کا کہنا ہے کہ معاملے کی تحقیقات جاری ہیں اور اصل حقائق پوسٹ مارٹم رپورٹ اور طبی معائنے کے بعد ہی سامنے آئیں گے۔