سونے کی قیمت میں بڑا اضافہ، فی تولہ کتنے کا ہوگیا؟
تفصیلات کے مطابق بین الاقوامی بلین مارکیٹ میں سونے کی قیمت میں 20 ڈالر فی اونس کا اضافہ ہوا، جس کے بعد عالمی مارکیٹ میں سونے کی قیمت 4 ہزار 181 ڈالر فی اونس کی سطح پر پہنچ گئی۔
عالمی مارکیٹ میں سونے کی قیمت بڑھنے کے اثرات مقامی صرافہ بازاروں پر بھی پڑے، جہاں فی تولہ سونے کی قیمت میں 2 ہزار روپے کا اضافہ ریکارڈ کیا گیا، اضافے کے بعد فی تولہ سونا 4 لاکھ 40 ہزار 636 روپے میں فروخت ہونے لگا۔
اسی طرح 10 گرام سونے کی قیمت میں بھی اضافہ ہوا، مقامی مارکیٹ میں 10 گرام سونا 1 ہزار 715 روپے مہنگا ہونے کے بعد 3 لاکھ 77 ہزار 774 روپے کی سطح پر پہنچ گیا۔
دوسری جانب چاندی کی قیمت میں بھی اضافہ ریکارڈ کیا گیا، مقامی صرافہ مارکیٹ میں فی تولہ چاندی کی قیمت 50 روپے بڑھ کر 6 ہزار 578 روپے ہوگئی۔
10 گرام چاندی کی قیمت میں بھی 43 روپے کا اضافہ ہوا، جس کے بعد نئی قیمت 5 ہزار 639 روپے مقرر کی گئی ہے۔
یہ بھی پڑھیں:آئی ایم ایف کا حکومت سے فیول ریلیف سکیم ختم کرنے کا مطالبہ
عالمی منڈی میں قیمتی دھاتوں کی قیمتوں میں اتار چڑھاؤ کے اثرات پاکستان کی مقامی صرافہ مارکیٹ پر بھی مرتب ہوتے ہیں۔ سونے کی قیمت میں حالیہ اضافے کے بعد زیورات خریدنے والے صارفین کے لیے قیمتیں مزید بڑھ گئی ہیں، جبکہ سرمایہ کار بھی عالمی مارکیٹ کی صورتحال پر نظر رکھے ہوئے ہیں۔
