نادرا میں ملازمت کے مواقع، امیدواروں کیلئے بڑی خبر

نادرا کے گورننس، رسک مینجمنٹ اینڈ کمپلائنس شعبے میں اس عہدے کے لیے امیدواروں سے درخواستیں طلب کی گئی ہیں۔ منتخب امیدوار سکیورٹی فریم ورک کی تعمیل، رسک اسیسمنٹ، انفارمیشن سکیورٹی آڈٹس،مختلف پالیسیز، ایس او پیز اور کنٹرولز کی تیاری سے متعلق ذمہ داریاں انجام دیں گے۔

اسامی کے لیے جدید ٹیکنالوجی اور سائبر سکیورٹی سے متعلق مہارت رکھنے والے امیدواروں کو ترجیح دی جائے گی۔ امیدواروں کو ISO 27001، NIST، CIS Controls، ISO 42001 اور PKI/Web Trust جیسے سکیورٹی معیارات سے متعلق تجربہ ہونا چاہیے۔

اس کے علاوہ آرٹیفیشل انٹیلی جنس سسٹمز کی رسک اسیسمنٹ، جنریٹو اے آئی، لارج لینگویج ماڈلز، پرامپٹ انجیکشن، ڈیٹا ایکسپوژر اور شیڈو اے آئی جیسے جدید سکیورٹی خطرات سے نمٹنے کی صلاحیت بھی اس ملازمت کا حصہ ہوگی۔

یہ بھی پڑھیں: ریسکیو ملازمین کے لیے بڑی خوشخبری، تنخواہوں میں 7 فیصد اضافے کی منظوری

نادرا کے مطابق ISO 27001،CISM اور CISA جیسی پروفیشنل سرٹیفکیشن رکھنے والے امیدواروں کو ترجیح دی جائے گی۔اسامی پر منتخب امیدواروں کی تعیناتی اسلام آباد اور کوئٹہ میں کی جائے گی۔

خواہش مند اور اہل امیدوار نادرا کے سرکاری کیریئر پورٹل (careers.nadra.gov.pk) کے ذریعے آن لائن درخواست جمع کراسکتے ہیں۔ درخواستیں جمع کرانے کی آخری تاریخ 4 اکتوبر 2026 مقرر کی گئی ہے۔

نادرا نے واضح کیا ہے کہ ادارہ تمام شہریوں کو بلا تفریق روزگار کے مساوی مواقع فراہم کرتا ہے، اس لیے اہل پیشہ ور افراد کو درخواست دینے کی ترغیب دی گئی ہے۔