خریداروں کیلئے بڑی خوشخبری، سونے کی قیمت میں نمایاں کمی

آل پاکستان جیمز اینڈ جیولرز صرافہ ایسوسی ایشن کے مطابق ملک میں سونے کی قیمت میں مسلسل چوتھے روز بڑی کمی ریکارڈ کی گئی، فی تولہ سونا 5 ہزار 600 روپے سستا ہوکر 4 لاکھ 48 ہزار 336 روپے کا ہوگیا۔

اسی طرح 10 گرام سونے کی قیمت بھی 4 ہزار 800 روپے کم ہوکر 3 لاکھ 84 ہزار 175 روپے ہوگئی۔

یہ بھی پڑھیں: پاکستان اسٹاک ایکسچینج میں مندی

آل پاکستان جیمز اینڈ جیولرز صرافہ ایسوسی ایشن کے عالمی مارکیٹ میں بھی سونے کی قیمت میں نمایاں کمی ہوئی ہے۔ فی اونس سونا 56 ڈالر سستا ہوکر 4 ہزار 258 ڈالر کی سطح پر آگیا، جس کے اثرات پاکستان کی مقامی صرافہ مارکیٹ پر بھی پڑے۔

پاکستان میں سونے کی قیمت رواں ماہ مسلسل اتار چڑھاؤ کا شکار رہی ہے۔ ستمبر کے دوران فی تولہ سونے کی قیمت تقریباً 4 لاکھ 43 ہزار 647 روپے سے 4 لاکھ 59 ہزار 540 روپے کے درمیان رہی۔