سوشل میڈیا سے آمدن کرنے والے بھی ٹیکس نیٹ میں شامل

ایف بی آر کے مطابق سوشل میڈیا سے حاصل ہونے والی آمدن کو ٹیکس نظام میں شامل کرنے کے لیے طریقہ کار وضع کر دیا گیا ہے، جس کے تحت یوٹیوب، فیس بک، ٹک ٹاک اور انسٹاگرام سمیت دیگر سوشل میڈیا پلیٹ فارمز سے حاصل ہونے والی آمدن پر ٹیکس عائد کیا جائے گا۔

یہ بھی پڑھیں: فیڈرل پبلک سروس کمیشن نے شیڈول انٹرویوز کر دیئے

جاری کردہ نوٹیفکیشن کے مطابق سوشل میڈیا سے حاصل آمدن پر ٹیکس وصولی کے لیے خصوصی قواعد مرتب کیے جائیں گے، جبکہ سوشل میڈیا کانٹینٹ کے ذریعے آمدن کمانے والوں کی آمدن پر باقاعدہ انکم ٹیکس لاگو ہوگا۔

ایف بی آر کا کہنا ہے کہ سوشل میڈیا سے ہونے والی آمدن کو ٹیکس نظام کا حصہ بنانے کا مقصد ٹیکس نیٹ کو وسیع کرنا اور آمدن کے مختلف ذرائع کو ٹیکس نظام میں شامل کرنا ہے۔