ایک سال کیلئے پیٹرولیم لیوی ختم کرنے کی تجویز
جماعت اسلامی کے سپرلانگ مارچ کا اسلام آباد پہنچنے سے پہلے ہی بریک تھرو ہونے کا امکان/ فائل فوٹو
Updated | Published September, 22 2026 |
اسلام آباد (ویب ڈیسک) وفاقی حکومت کی جانب سے ایک سال کیلئے پیٹرولیم لیوی ختم کرنے کی تجویز سامنے آگئی۔
ذرائع کے مطابق حکومت نے جماعت اسلامی قیادت سے ایک بار پھر رابطہ کر کے لانگ مارچ روکنے پر اصرار کیا ہے اور اس کی جانب سے ایک سال کیلئے پٹرولیم لیوی ختم کرنے کی تجویزبھی سامنے آئی ہے۔
یہ بھی پڑھیں: خواتین کے کاروبار کے لیے 5 کروڑ روپے کے اینڈومنٹ فنڈ کا اعلان
توقع ہے وزیراعظم شہباز شریف جلد جماعت اسلامی قیادت سے رابطہ کریں گے اور جماعت اسلامی کے سپرلانگ مارچ کا اسلام آباد پہنچنے سے پہلے ہی بریک تھرو ہونے کا امکان ہے۔
ذرائع کے مطابق حکومتی وفد کی جانب سے بڑا عوامی ریلیف پیکیج دینے کی پیشکش کی گئی ہے یہ عوامی ریلیف پیکیج جماعت اسلامی کی ٹیکنکل کمیٹی کی منظوری سے مشروط ہو گا۔
