جرمنی میں ہنر مند افراد کے لیے ملازمتوں کا بڑا موقع، درخواستیں طلب
احکام کے مطابق صحت، میڈیکل ٹیکنالوجی، تعلیم، سیاحت، ہوٹلنگ اور ریسٹورنٹ انڈسٹری سمیت متعدد شعبوں میں اہل اور تربیت یافتہ افراد کی بھرتیاں جاری ہیں۔
صحت کے شعبے میں ڈینٹل اسسٹنٹ، میڈیکل اسسٹنٹ، ویٹرنری اسسٹنٹ، فزیوتھراپسٹ، آکوپیشنل تھرآپسٹ، فارماسسٹ، ریڈیالوجی، ٹیکنیشن، سرجیکل ٹیکنالوجسٹ، اینستھیزیا اسسٹنٹ، پیرا میڈیکس، ایمرجنسی میڈیکل ٹیکنیشن اور پاؤں کے امراض کے ماہرین کی طلب میں مسلسل اضافہ ہو رہا ہے۔
اسی طرح میڈیکل ٹیکنالوجی میں ڈینٹل ٹیکنیشن ہیئرنگ ایڈ اسپیشلسٹ، آپٹیشن اور آرتھوپیڈک ٹیکنیشنز کیلئے بھی روزگار کے مواقع موجود ہیں۔
ہوٹلنگ اور سیاحت کے شعبے میں ہوٹل مینیجرز، ریسٹورنٹ اسپیشلسٹ، کیٹرنگ ماہرین اور باورچیوں کی ضرورت برقرار ہے جبکہ تعلمی شعبے میں اساتذہ، سوشل ورکرز اور ایجوکیٹرز کی بھی بھرتیاں کی جارہی ہیں۔
جرمن حکام کے مطابق ملازمت کے خواہشمند افراد کے پاس تسلیم شدہ تعلیمی ڈگری یا پیشہ ورانہ تربیت ہونا ضروری ہے جسے جرمنی کے قوانین کے مطابق قبول کیا جاتا ہے۔
ماہرین نے مشورہ دیا کہ درخواست جمع کرانے سے پہلے امیدوار اپنی تعلیمی اسناد، پیشہ ورانہ قابلیت اور ویزا کی شرائط کا مکمل جائزہ لیں تاکہ ملازمت کے حصول کا عمل آسان ہوسکے۔
درخواست کیسے دیں؟
پیشوں سے متعلق تفصیلی معلومات کے لیے:
https://web.arbeitsagentur.de/berufenet
دستیاب ملازمتیں دیکھنے اور درخواست دینے کے لیے:
https://www.make-it-in-germany.com/en/working-in-germany/job-listings
ویزا، اہلیت اور مطلوبہ شعبوں کی مکمل رہنمائی کے لیے:
https://www.make-it-in-germany.com/en/working-in-germany/professions-in-demand/other-professions-in-demand
