امریکی ویزا بانڈ شرط سے پاکستانی مستثنیٰ قرار

بین الاقوامی میڈیا رپورٹس کے مطابق نئے ضوابط کے تحت بعض ممالک کے کاروباری اور سیاحتی ویزا درخواست گزاروں کیلئے 10 ہزار سے 20 ہزار ڈالر تک کا قابل واپسی ویزا بانڈ لازمی قرار دیا گیا ہے۔

رپورٹس کے مطابق اس پروگرام میں بنگلادیش، نیپال اور متعدد افریقی ممالک سمیت تقریباً 50 ممالک شامل ہیں جبکہ نئی پالیسی کے تحت قابل واپسی بانڈ کی زیادہ سے زیادہ حد 15 ہزار سے بڑھا کر 20 ہزار ڈالر کردی گئی ہے۔

اہم بات یہ ہے کہ پاکستان اس فہرست کا حصہ نہیں ہے اسی طرح افغانستان، ایران اور بھارت بھی ان ممالک میں شامل نہیں، جن پر شرط لاگو کی گئی ہے۔

یہ بھی پڑھیں: پاکستانی عمرہ زائرین کیلئے لازمی فوڈ واؤچر پالیسی نافذ

ماہرین کے مطابق پاکستان کا اس فہرست میں شامل نہ ہونا امریکی وزیٹر ویزا کے خواہشمند پاکستانیوں کیلئے ایک مثبت پیش رفت ہے کیونکہ انہیں ویزا درخواست کے ساتھ اضافی مالی ضمانت جمع کرانے کی ضرورت نہیں ہوگی۔