قطر کے سابق امیر شیخ حمد بن خلیفہ الثانی خالقِ حقیقی سے جا ملے
ان کے انتقال کی خبر پر قطر سمیت عالمی سطح پر افسوس کا اظہار کیا جا رہا ہے۔
شیخ حمد بن خلیفہ الثانی نے 1995 سے 2013 تک قطر کے امیر کی حیثیت سے خدمات انجام دیں، ان کے دورِ اقتدار میں قطر نے معاشی، سفارتی اور عالمی سطح پر نمایاں ترقی کی اور دنیا کے امیر ترین ممالک میں شامل ہوا۔
2013 میں شیخ حمد بن خلیفہ الثانی نے رضاکارانہ طور پر اقتدار اپنے بیٹے شیخ تمیم بن حمد آل ثانی کے حوالے کر دیا تھا۔ اقتدار کی منتقلی کو خطے میں ایک اہم سیاسی پیش رفت قرار دیا گیا،شیخ حمد نے بعد ازاں بھی قطر کی ترقی اور عالمی تعلقات میں اپنا کردار ادا کیا۔
پاکستان کے نائب وزیراعظم اور وزیر خارجہ اسحاق ڈار نے شیخ حمد بن خلیفہ الثانی کے انتقال پر گہرے دکھ اور افسوس کا اظہار کرتے ہوئے کہا کہ شیخ حمد بن خلیفہ نے پاکستان اور قطر کے درمیان دوستانہ تعلقات کے فروغ میں اہم کردار ادا کیا۔
اسحاق ڈار کا کہنا تھا کہ سابق قطری امیر کی خطے میں امن، استحکام اور ترقی کیلئے خدمات کو ہمیشہ یاد رکھا جائے گا، مرحوم کے اہلِ خانہ اور قطری عوام سے تعزیت کا اظہار بھی کیا۔
یہ بھی پڑھیں:رہنما مسلم لیگ (ن) لعل بخش جتوئی ٹریفک حادثے میں جاں بحق
شیخ حمد بن خلیفہ الثانی کے دور میں قطر نے عالمی سیاست، توانائی، سفارت کاری اور معاشی میدان میں اپنی شناخت مضبوط کی۔ ان کی قیادت میں ملک نے کئی اہم ترقیاتی منصوبے مکمل کیے اور عالمی سطح پر اپنا اثر و رسوخ بڑھایا۔
