بھارت: بیوی نے شوہر کو ٹوائلٹ کلینر کا انجیکشن لگا کر قتل کردیا
بھارتی پولیس کے مطابق مقتول کی شناخت جی سرینواس کے نام سے ہوئی ہے، جبکہ ملزمان میں اس کی اہلیہ اور اس کا مبینہ آشنا شامل ہیں۔ ابتدائی تحقیقات کے مطابق دونوں کے درمیان کافی عرصے سے تعلقات تھے، اور شوہر ان کے راستے میں رکاوٹ تھا۔
یہ بھی پڑھیں: کانگو وائرس، پہلا ہلاکت خیز کیس سامنے آ گیا
تفتیشی حکام کا کہنا ہے کہ ملزمان نے مبینہ طور پر ٹوائلٹ صاف کرنے والے کیمیکل کو سرنج میں بھر کر مقتول کے جسم میں انجیکٹ کیا جس سے اس کی طبیعت بگڑ گئی۔
اسے ہسپتال منتقل کیا گیا تاہم وہ جانبر نہ ہو سکا۔ پوسٹ مارٹم اور فرانزک رپورٹ کے بعد پولیس نے واقعے کو قتل قرار دیتے ہوئے دونوں ملزمان کو گرفتار کر لیا۔
پولیس کے مطابق ملزمان سے پوچھ گچھ جاری ہے اور ان کے خلاف قتل اور مجرمانہ سازش سمیت متعلقہ دفعات کے تحت مقدمہ درج کر لیا گیا ہے۔ حکام کا کہنا ہے کہ واقعے کی مزید تفتیش جاری ہے اور عدالت میں شواہد پیش کیے جائیں گے۔
