آئی فون میں اے آئی فوٹو ایڈیٹنگ فیچرز متعارف

ٹیکنالوجی کمپنی ایپل اپنے آئندہ سافٹ ویئر اپ ڈیٹ میں تصاویر کی ایڈیٹنگ کے لیے مصنوعی ذہانت پر مبنی فیچرز متعارف کرانے کی تیاری کررہی ہے جس سے صارفین کو جدید اور آسان سہولتیں میسر آئیں گی۔

رپورٹس کے مطابق ایپل اپنی سالانہ تقریب میں نئے نظام کا اعلان کرے گا جس میں  فوٹو ایپ کے اندر ایک نیا سیشن شامل کیا جائے گا جہاں مختلف خودکار فیچرز دستیاب ہوں گے۔ ان میں تصویر کو بڑاکرنا، بہتر بنانا، زاویہ تبدیل کرنا اور غیر ضروری اشیاء ہٹانا شامل ہوگا۔

یہ بھی پڑھیں: میٹا کا پرانے اینڈرائیڈ اسمارٹ فونز پر واٹس ایپ بند کرنے کا اعلان

ذرائع کا کہنا ہے کہ اس فیچر کے ذریعے صارف تصویر کے کناروں کو بڑھا کر اضافی منظر شامل کر سکے گا اور رنگ، روشنی اور معیار کو بہتر بنائے گا۔ اسی طرح تصویر کا زاویہ تبدیل کیا جا سکے گا جبکہ کلین اپ فیچر غیر ضروری چیزوں کو ہٹانے میں مدد دے گا۔

ماہرین کے مطابق یہ نئی پیش رفت موبائل فوٹو گرافی کو مزید آسان اور موثر بنائے گی اور صارفین کو پیشہ ورانہ معیار کی ایڈیٹنگ کی سہولت اپنے فون پر ہی فراہم کرے گی۔