عمر میں جعلسازی، 2 بھارتی کرکٹرز پر پابندی عائد
انڈر 19 ٹیم کے کھلاڑی روہت یادیو اور سابق عالمی کپ فاتح روی کمار کو دو سال کی پابندی کا سامنا ہے/ فائل فوٹو
Updated | Published September, 5 2026 |
ممبئی (ویب ڈیسک) بھارتی کرکٹ میں عمر کی جعلسازی کا ایک اور معاملہ سامنے آگیا جس کے بعد انڈر 19 ٹیم کے کھلاڑی روہت یادیو اور سابق عالمی کپ فاتح روی کمار کو دو سال کی پابندی کا سامنا ہے۔
لیگ اسپنر روہت یادیو گزشتہ جولائی میں سری لنکا کے خلاف بھارت کی انڈر 19 ٹیم کا حصہ تھے جہاں انہوں نے دو میچز میں ایک وکٹ حاصل کی اور 94 رنز دیے۔
تاہم کرکٹ ایسوسی ایشن آف بنگال کی پری سیزن دستاویزات کی جانچ کے دوران ان کی عمر میں 27 ماہ کا فرق سامنے آیا جس کے بعد انہیں آسٹریلیا کے خلاف آئندہ انڈر 19 سیریز کے سکواڈ سے بھی نکال دیا گیا ہے۔
یہ بھی پڑھیں: مصباح الحق قومی کرکٹ ٹیم کی سلیکشن کمیٹی سے مستعفی
روہت کو اس سے قبل 18 سالہ کھلاڑی کے طور پر درج کیا گیا تھا۔
عمر کی جانچ کے دوران کرکٹ ایسوسی ایشن آف بنگال نے مزید 64 کھلاڑیوں کے خلاف بھی کارروائی کی۔
دوسری جانب 2022 انڈر 19 ورلڈ کپ کے فائنل میں بھارت کی نمائندگی کرنے والے روی کمار کی عمر میں 40 ماہ سے زائد کا فرق سامنے آیا۔
ان کے 2025-26 سیزن تک کے عمر گروپ ریکارڈز بھی منسوخ قرار دیے جائیں گے۔
