ای پاسپورٹ کی نئی فیسوں کا شیڈول جاری، تمام تفصیلات سامنے آگئیں
نئے شیڈول کے مطابق ای پاسپورٹ کی فیس کا تعین اس کی مدت، صفحات کی تعداد اور پراسیسنگ کیٹیگری کی بنیاد پر کیا گیا ہے۔ شہری اپنی ضرورت کے مطابق 36 یا 72 صفحات پر مشتمل پاسپورٹ کے لیے درخواست دے سکتے ہیں۔
5 سالہ ای پاسپورٹ کے لیے 36 صفحات والے نارمل پاسپورٹ کی فیس 9 ہزار روپے مقرر کی گئی ہے، جبکہ 72 صفحات والے پاسپورٹ کے لیے 16 ہزار 500 روپے ادا کرنا ہوں گے۔ ارجنٹ کیٹیگری میں 36 صفحات کے پاسپورٹ کی فیس 15 ہزار روپے اور 72 صفحات کے پاسپورٹ کی فیس 27 ہزار روپے مقرر ہے۔
یہ بھی پڑھیں: پنجاب کے سرکاری اساتذہ کے ای ٹرانسفر راؤنڈ کا نوٹیفکیشن جاری
اسی طرح 10 سالہ ای پاسپورٹ کے لیے 36 صفحات کی نارمل فیس 13 ہزار 500 روپے ہے، جبکہ 72 صفحات والے پاسپورٹ کی فیس 24 ہزار 750 روپے مقرر کی گئی ہے۔
ارجنٹ پراسیسنگ کے تحت 10 سالہ، 36 صفحات والے ای پاسپورٹ کے لیے 22 ہزار 500 روپے اور 72 صفحات والے پاسپورٹ کے لیے 40 ہزار 500 روپے فیس ادا کرنا ہوگی۔
شہریوں کو ہدایت کی جاتی ہے کہ ای پاسپورٹ کے لیے درخواست جمع کروانے سے پہلے اپنی مطلوبہ مدت، صفحات کی تعداد اور نارمل یا ارجنٹ پراسیسنگ کیٹیگری کے مطابق فیس کی تصدیق متعلقہ سرکاری پاسپورٹ حکام سے کرلیں، تاکہ درخواست کے عمل میں کسی قسم کی پریشانی کا سامنا نہ کرنا پڑے۔
