سینیٹر فیصل واوڈا کا سہیل آفریدی کی نااہلی سے متعلق بڑا دعوی

ایک نجی پروگرام میں گفتگو کرتے ہوئے فیصل واوڈا نے معطل وزیر اعلیٰ سہیل آفریدی کی ممکنہ نااہلی کے بارے دعوی کرتے ہوئے ان کا کہنا تھا کہ سہیل آفریدی نااہل ہوں گے اس معاملے میں کوئی دو رائے نہیں، انہوں نے اپنی بات کی وضاحت کرتے ہوئے کاروبار بند ہونے پر نیا بورڈ لگانے کی مثال بھی دی تھی۔

یہ بھی پڑھیں: خیبرپختونخوا میں ایمرجنسی ہمیشہ کیلئے نہیں ہے: بلاول بھٹو

فیصل واوڈا نے مزید کہا کہ وہ 10 ماہ قبل ہی گورنر راج، ایمرجنسی کے نفاذ، سہیل آفریدی کی نااہلی اور پاکستان تحریک انصاف پر پابندی کے امکانات ظاہر کر چکے تھے۔

28 ویں آئینی ترمیم کے حوالے سے گفتگو کرتے ہوئے سینیٹر فیصل واوڈا کا کہنا تھا کہ اگر یہ ترمیم پیش کی گئی تو 27 ویں آئینی ترمیم کی طرح منظور ہو جائے گی، بصورتِ دیگر نظام کو دوبارہ ترتیب دینے کی ضرورت پیش آ سکتی ہے۔ انہوں نے وزیراعظم کے مشیر رانا ثنا اللہ کے حوالے سے بھی سسٹم، سافٹ ویئر اور فون ری بوٹ کرنے کا جملہ استعمال کیا۔