محکمہ موسمیات نے بارش اور تیز ہواؤں کی پیشگوئی کر دی
آئندہ 12 گھنٹوں کے دوران بیشتر علاقوں میں موسم خشک جبکہ میدانی علاقوں میں دن کے اوقات میں موسم گرم رہنے کا امکان ہے، تاہم شمالی اور پہاڑی علاقوں میں بارش اور تیز ہوائیں چلنے کی توقع ہے۔
محکمہ موسمیات کے مطابق شمالی پہاڑی علاقوں میں سہ پہر کے وقت مطلع جزوی طور پر ابر آلود رہ سکتا ہے۔ اسلام آباد میں آج موسم گرم اور خشک رہنے کا امکان ہے، جہاں صبح سویرے کم سے کم درجہ حرارت 24 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 35 ڈگری تک پہنچنے کی توقع ہے۔
کراچی میں کم سے کم درجہ حرارت 27 ڈگری سینٹی گریڈ ریکارڈ ہوا جبکہ ہوا میں نمی کا تناسب 74 فیصد رہا۔ شہر میں آج زیادہ سے زیادہ درجہ حرارت 37 سے 39 ڈگری سینٹی گریڈ رہنے کا امکان ہے اور موسم گرم و مرطوب رہے گا۔
بلوچستان کے بیشتر علاقوں میں موسم گرم اور خشک رہنے کی پیشگوئی کی گئی ہے، تاہم بارکھان، موسیٰ خیل، زیارت، ہرنائی، ژوب، شیرانی اور خضدار میں ہلکی بارش جبکہ بعض علاقوں میں تیز ہوائیں چلنے کا امکان ہے۔
پشاور میں موسم جزوی ابر آلود اور خشک رہنے کی توقع ہے، جبکہ نوشہرہ، کوہاٹ، ہنگو، کرم، باجوڑ اور مہمند میں ہلکی بوندا باندی ہوسکتی ہے۔
یہ بھی پڑھیں:خضدار میں 4.5 شدت کا زلزلہ، شہری خوفزدہ ہوگئے
دی، سوات، کوہستان، شانگلہ اور ایبٹ آباد میں تیز ہواؤں، گرج چمک کے ساتھ بارش جبکہ خیبر، کرک، لکی مروت، ڈی آئی خان اور وزیرستان میں تیز ہواؤں کے ساتھ ہلکی بارش متوقع ہے۔
