پاکستان کے ایوی ایشن شعبے کا بڑا امتحان
ذرائع کے مطابق برطانوی سول ایوی ایشن اتھارٹی پاکستان سول ایوی ایشن (سی اے اے) کے سیفٹی مینجمنٹ سسٹم پر عمل درآمد کا جائزہ لے گی، جس کے دوران ایوی ایشن سیفٹی سے متعلق مختلف امور کا تفصیلی معائنہ کیا جائے گا۔
آڈٹ کے دوران ایوی ایشن سیفٹی کے خطرات کی نشاندہی، رسک مینجمنٹ، سیفٹی رپورٹنگ اور حفاظتی اقدامات کے مؤثر نفاذ کا جائزہ لیا جائے گا۔
برطانوی سول ایوی ایشن اتھارٹی سی اے اے کے لائسنسنگ، ایئر وردی نیس، فلائٹ اسٹینڈرڈز سمیت دیگر متعلقہ شعبوں کی بھی جانچ پڑتال کرے گی۔
یہ بھی پڑھیں: وفاقی دارالحکومت کے اسپتالوں میں ہائی الرٹ جاری کر دیا گیا
اس کے علاوہ پاکستان سول ایوی ایشن اتھارٹی بطور ریگولیٹر طیاروں، مسافروں اور ایوی ایشن آپریشنز سے متعلق حفاظتی خطرات سے نمٹنے کے لیے کس حد تک تیار ہے، اس کا بھی جائزہ لیا جائے گا۔
ایوی ایشن ماہرین کے مطابق یہ آڈٹ پاکستان کی سول ایوی ایشن سیفٹی اوور سائٹ اور بین الاقوامی ایوی ایشن سیفٹی معیارات سے مطابقت کے حوالے سے اہمیت کا حامل ہے۔
ذرائع کے مطابق پاکستان سول ایوی ایشن اتھارٹی نے یوکے سی اے اے کے آڈٹ کے لیے تیاریاں مکمل کرلی ہیں۔ برطانوی سول ایوی ایشن اتھارٹی چار روز تک پاکستان کے سیفٹی مینجمنٹ سسٹم کا جائزہ لے گی۔
