حماد اظہر 3 سال سے روپوش رہنے کے بعد پولیس کا ہاتھوں گرفتار
پولیس ذرائع کے مطابق حماد اظہر کو لاہور کے علاقے آر اے بازار کے قریب ایک دوست کے گھر سے گرفتار کیا گیا۔ گرفتاری کے بعد انہیں لاہور پولیس کے حوالے کردیا گیا ہے، جہاں ان سے 9 مئی کے واقعات سے متعلق مختلف مقدمات کے حوالے سے تفتیش کی جائے گی۔
پولیس ذرائع کا کہنا ہے کہ حماد اظہر 9 مئی کے واقعات کے سلسلے میں درج مختلف مقدمات میں نامزد اور مطلوب تھے، وہ 9 مئی 2023 کے بعد سے اشتہاری قرار دیے گئے تھے اور پولیس انہیں گرفتار کرنے کی کوششیں کررہی تھی۔
حماد اظہر اپنے والد کے انتقال کے موقع پر منظر عام پر آئے تھے، تاہم اس کے بعد ایک مرتبہ پھر روپوش ہوگئے۔ اب پولیس نے کارروائی کرتے ہوئے انہیں گرفتار کرلیا ہے۔
گرفتاری کے بعد حماد اظہر کو متعلقہ مقدمات میں قانونی کارروائی کیلئے پولیس کے حوالے کردیا گیا ہے۔ ان سے تفتیش کے دوران 9 مئی کے واقعات سے متعلق مختلف پہلوؤں پر سوالات کیے جانے کا امکان ہے۔
یہ بھی پڑھیں:بجلی فی یونٹ قیمت میں 2 روپے 51 پیسے اضافہ
حماد اظہر کی گرفتاری کی خبر سامنے آنے کے بعد سیاسی حلقوں میں بھی معاملہ زیر بحث آگیا ہے، جبکہ پولیس کی جانب سے مزید قانونی پیش رفت اور مقدمات کی تفصیلات سامنے آنے کا انتظار کیا جارہا ہے۔
