پاکستانی عمرہ زائرین کیلئے لازمی فوڈ واؤچر پالیسی نافذ
سعودی حکومت کی جانب سے جاری اس پالیسی کے تحت یومیہ تقریباً 20 سعودی ریال مالیت کا فوڈ واؤچر عمرہ ویزا فیس میں شامل کیا جائے گا۔
میڈیا رپورٹس کے مطابق فوڈ واؤچر کی رقم براہ راست عمرہ ویزا کی مجموعی فیس کا حصہ ہوگی جس کے باعث نئے عمرہ پیکجز کی قیمتوں میں اضافے کا امکان ہے۔
یہ بھی پڑھیں: پاکستانیوں کیلئے سعودی عرب نے نیا پیکیج ویزا متعارف کرا دیا
نئی پالیسی کے بعد پاکستان سمیت مختلف ممالک کے ٹریول ایجنٹس اپنے عمرہ پیکجز، اخراجات اور نرخوں پر نظر ثانی کررہے ہیں تاکہ نئی شرائط کے مطابق پیکجز تیار کیے جا سکیں۔
اس اقدام کا مقصد عمرہ زائرین کو منظم انداز میں کھانے کی سہولت فراہم کرنا اور خدمات کے معیار کو مزید بہتر بنانا ہے۔
ماہرین کے مطابق نئی پالیسی کے نفاذ کے بعد عمرہ سفر کی منصوبہ بندی کرنے والے افراد کو پیکج بک کروانے سے قبل تازہ ترین اخراجات اور شرائط ضرور معلوم کر لینی چاہیے۔
