تحریک انصاف کمزور نہیں، پہلے سے زیادہ مضبوط ہے: سلمان اکرم راجہ
لاہور میں میڈیا سے گفتگو کرتے ہوئے سلمان اکرم راجہ نے کہا کہ کاہنہ میں ٹیوشن سینٹر کی چھت گرنے کا واقعہ قومی سانحہ ہے، وہ پارٹی رہنماؤں کے ہمراہ جان بحق بچوں کے اہل خانہ سے تعزیت اور اظہار ہمدردی کے لیے بھی گئے۔
یہ بھی پڑھیں: عالمی منڈی کے مطابق پٹرول سستا کیا جائے، حافظ نعیم الرحمن کا مطالبہ
انہوں نے بانی پی ٹی آئی عمران خان اور بشری بی بی کے خلاف مقدمات کو سیاسی انتقام قرار دیتے ہوئے کہا کہ دونوں کو ناجائز مقدمات میں قید رکھا گیا ہے، ان کا کہنا تھا کہ تحریک انصاف اپنے موقف پر ثابت قدم ہے اور کسی دباؤ کے سامنے نہیں جھکے گی۔
سلمان اکرم راجہ نے حکومت کی معاشی پالیسیوں پر تنقید کرتے ہوئے کہا کہ پانچ بجٹ پیش کرنے کے باوجود عوام کی زندگی میں کوئی نمایاں بہتری نہیں آئی جبکہ مہنگائی اور معاشی مشکلات ہر طبقے کو متاثر کررہی ہیں۔
انہوں نے دعویٰ کیا اگر موجودہ طرز حکمرانی جاری رہا تو آزاد کشمیر جیسی سیاسی صورتحال ملک کے دیگر حصوں میں بھی پیدا ہوسکتی ہے۔
