عالمی منڈی کے مطابق پٹرول سستا کیا جائے، حافظ نعیم الرحمن کا مطالبہ

سماجی رابطے کی ویب سائٹ ایکس پر جاری اپنے بیان میں امیر جماعت اسلامی پاکستان نے مطالبہ کیا کہ پٹرول کی قیمت 225 روپے فی لیٹر مقرر کی جائے جبکہ ٹرانسپورٹ، کرایوں، اشیائے خوردونوش اور دیگر ضروریات زندگی کی قیمتیں بھی 28 فروری کی سطح پر واپس لائی جائے۔

یہ بھی پڑھیں: کاہنہ جیسے سانحات پر رات کو نیند بھی نہیں آتی: وزیر اعلیٰ پنجاب

انہوں نے کہا کہ عالمی مارکیٹ میں تیل سستا ہونے کے باوجود پاکستان میں عوام کو اب بھی مہنگا ایندھن فروخت کیا جا رہا ہے جو کسی صورت قابل قبول نہیں، ان کا کہنا تھا کہ حکومت آئل مارکیٹنگ کمپنیوں کے مفادات کے بجائے عوامی مفاد ہو ترجیح دے اور عالمی منڈی میں قیمتوں میں ہونے والی کمی کے ثمرات صارفین تک منتقل کریں۔

حافظ نعیم الرحمن نے مزید کہا کہ پٹرولیم لیوی کا نہ کوئی قانونی جواز ہے اور نہ ہی اخلاقی، اس لیے انہوں نے مطالبہ کیا کہ اسے فوری طور پر ختم کیا جائے تاکہ مہنگائی سے پریشان عوام کو حقیقی ریلیف مل سکے۔