پیمرا کا جیو نیوز کو نوٹس، لائسنس 15 روز کیلئے معطل

پیمرا کے مطابق یوم عاشور 10محرم الحرام کو جیو نیوز کے پروگرام سفر عشق میں ناقابل قبول مذہبی تصویرکشی کی گئی، ایسی تصویرکشی مذہبی، معاشرتی اور ثقافتی اقدار اور اصولوں کے خلاف ہے۔

کیبل پر جیو نیوز کا چینل تلاش کرنے کی صورت میں اس پر لکھا آتا ہے کہ اس چینل کو پیمرا کی ہدایات پرآ ف ایئر کردیا گیا ہے۔

پیمرا کی شکایات کونسل مزید سماعت کر کے ریگولیٹری ایکشن کی سفارشات دے گی، دیکھنا ہوگا کیا وجوہات تھیں کہ ایسا واقعہ پیش آیا۔

دوسری جانب جیو نیوز نے اپنی غلطی کا اعتراف کرتے ہوئے معذرت پر مبنی ایک بیان میں کہا کہ جو کچھ ہوا وہ غلط تھا، ہم نہ اس کا دفاع کرتے ہیں، نہ اس کی سنگینی کو کم کرنے کی کوشش کرتے ہیں اور نہ ہی اس کے لیے کوئی جواز پیش کرتے ہیں، اس پر ہمیں دلی افسوس ہے۔

یہ بھی پڑھیں: شناختی کارڈ پر گھر کا پتہ تبدیل کرانے کا آسان طریقہ جانیے

بیان میں کہا گیا کہ جیو نیوز 10 محرم کو نشر ہونے والے مواد "سفرِ عشق" کے دوران ہونے والی غلطی کو تسلیم کرتے ہوئے معذرت کرتا ہے، ہم وضاحت کرنا چاہتے ہیں کہ جیو نیوز مسلم امہ کے وسیع پیمانے پر تسلیم شدہ عقائد اور حساسیت کے احترام کی اپنی پالیسی پر سختی سے کاربند ہے۔