ملک کے مختلف علاقوں میں مزید بارشوں کی پیشگوئی
محکمہ موسمیات کے مطابق پنجاب، خیبرپختونخوا اور بلوچستان کے متعدد اضلاع میں گرج چمک کے ساتھ بارش کا امکان ہے، جبکہ بعض علاقوں میں تیز ہوائیں بھی چل سکتی ہیں۔
محکمہ موسمیات کا کہنا ہے کہ پنجاب کے راولپنڈی، مری، گلیات، اٹک، چکوال، جہلم، گجرات، گوجرانوالہ اور لاہور میں بارش متوقع ہے۔ اس کے علاوہ شیخوپورہ، سیالکوٹ، نارووال، ساہیوال، خوشاب، سرگودھا، بھکر اور لیہ میں بھی بارش ہونے کا امکان ظاہر کیا گیا ہے۔
فیصل آباد، جھنگ، خانیوال، ملتان، وہاڑی، قصور اور اوکاڑہ سمیت وسطی اور جنوبی پنجاب کے مختلف اضلاع بھی بارش کے زیرِ اثر رہ سکتے ہیں۔
دوسری جانب خیبرپختونخوا کے بیشتر علاقوں میں موسم گرم اور خشک رہنے کی توقع ہے، تاہم دیر، چترال، سوات، کوہستان، شانگلہ، بٹگرام، بونیر، کوہاٹ اور ڈیرہ اسماعیل خان میں بارش ہو سکتی ہے۔ پشاور، صوابی، مانسہرہ، ایبٹ آباد، ہری پور، خیبر اور وزیرستان میں بھی بارش کی پیشگوئی کی گئی ہے۔
یہ بھی پڑھیں:فیڈل کاسترو کے قریبی ساتھی رامیرُو والڈیز انتقال کر گئے
محکمہ موسمیات کے مطابق سندھ کے بیشتر اضلاع میں موسم گرم اور خشک رہے گا، جبکہ کراچی میں درجہ حرارت 35 ڈگری سینٹی گریڈ تک پہنچ سکتا ہے۔ بلوچستان کے بیشتر علاقوں میں بھی گرمی برقرار رہے گی، تاہم بارکھان، سبی، کوہلو اور ژوب میں بارش ہونے کا امکان ہے۔
