اداکار حماد شعیب کی والدہ خالق حقیقی سے جا ملیں
اداکار حمادشعیب نے سوشل میڈیا پر اپنی والدہ کے انتقال کی اطلاع دی جس کے بعد شوبز انڈسٹری اور ان کے مداحوں میں گہرے رنج و غم کی لہر دوڑ گئی۔
حماد شعیب نے اپنے فیس بک اکاؤنٹ پر شیئر کی گئی ایک پوسٹ میں والدہ کے انتقال کی افسوسناک خبر کی تصدیق کرتے ہوئے بتایا کہ ان کی والدہ اس دنیا سے رخصت ہو گئی ہیں۔
اداکار کا کہنا تھا کہ میرے لیے وہ صرف والدہ نہیں بلکہ میری پوری دنیا اور سب سے بڑا سہارا تھیں اور والدہ کا اچانک دنیا سے رخصت ہونا خاندان کے لیے شدید صدمے کا باعث بنا ہے۔
یہ بھی پڑھیں: معروف انفلوئنسر کی گھر سے لاش برآمد، قتل کا شبہ
حماد شعیب کی جانب سے شیئر کی گئی اس دکھ بھری خبر پر مداحوں اور ساتھی فنکاروں کی جانب سے اظہارِ تعزیت اور دعاؤں کا سلسلہ جاری ہے۔
مداحوں اور شوبز شخصیات کی جانب سے مرحومہ کی مغفرت ، بلندی درجات اور حماد شعیب اور ان کے اہل خانہ کے لیے صبر جمیل کی دعائیں کی جا رہی ہیں۔
