معروف انفلوئنسر کی گھر سے لاش برآمد، قتل کا شبہ
غیر ملکی میڈیا رپورٹس کے مطابق 30 سالہ پاؤلا مارکیز کی لاش 30 مئی کو ان کے گھر کے اندر سے برآمد ہوئی ، پولیس واقعہ کا مختلف پہلوؤں سے جائزہ لے رہی ہے ، حتمی تحقیقات کے بعد ہی کسی نتیجے پر پہنچا جائے گا۔
میڈیا رپورٹس کے مطابق پاؤلا مارکیز کا شمار سوشل میڈیا کی مقبول شخصیات میں ہوتا تھا اور مختلف پلیٹ فارمز پر ان کے 20 لاکھ سے زائد فالوورز تھے، وہ عمومی طور پر لائف اسٹائل، سفر اور پرتعیش زندگی سے متعلق کانٹینٹ سوشل میڈیا پر شیئر کرتی تھیں۔
ان کی ایک حالیہ ٹک ٹاک ویڈیو بھی سامنے آئی ہے جس میں وہ اپنی زندگی سے متعلق مایوس کن انداز میں گفتگو کرتے ہوئے دکھائی دیں۔
مذکورہ ویڈیو میں ان کا کہنا تھا کہ "میں نے جس بھی چیز کی خواہش کی وہ مانگی، لیکن شاید سب کچھ الٹا مانگا، کیونکہ جو تھوڑا بہت میرے پاس تھا وہ بھی ہاتھ سے نکل رہا ہے"۔
یہ بھی پڑھیں: بھارتی سینیئر پروڈیوسر راجن نے خودکشی کرلی
بیٹی کی ناگہانی موت ان کے والد ہیرکولیس مارکیز بالڈیرس نے فیس بک پر جذباتی پیغام بھی شیئر کیا جس میں انہوں نے اپنی بیٹی کو خراجِ عقیدت پیش کیا۔
والد کی پوسٹ پر صارفین کی جانب سے تعزیتی پیغامات کا سلسلہ بھی جاری رہا، جہاں مداحوں اور قریبی افراد نے اہلِ خانہ سے ہمدردی اور صبر کی دعا کی۔
