عالمی اور مقامی مارکیٹ میں سونا مزید مہنگا

عالمی مارکیٹ میں سونے کی قیمت 28 ڈالر اضافے کے بعد 4 ہزار 181 ڈالر فی اونس پر پہنچ گئی، جبکہ مقامی صرافہ مارکیٹ میں فی تولہ سونا 2 ہزار 800 روپے مہنگا ہوگیا۔

اسی طرح 10 گرام سونے کی قیمت میں 2 ہزار 401 روپے کا اضافہ ریکارڈ کیا گیا، جس کے بعد نئی قیمت 3 لاکھ 77 ہزار 774 روپے ہوگئی۔

یہ بھی پڑھیں: عالمی منڈی میں خام تیل سستا ہوگیا

مقامی مارکیٹ میں چاندی کی قیمت میں بھی اضافہ دیکھا گیا۔ فی تولہ چاندی 108 روپے مہنگی ہونے کے بعد 6 ہزار 256 روپے کی ہوگئی۔

واضح رہے کہ گزشتہ روز عالمی مارکیٹ میں سونے کی قیمت 4 ہزار 153 ڈالر فی اونس پر برقرار رہی تھی، جبکہ مقامی صرافہ مارکیٹ میں فی تولہ سونے کی قیمت 4 لاکھ 37 ہزار 836 روپے اور 10 گرام سونے کی قیمت 3 لاکھ 75 ہزار 373 روپے ریکارڈ کی گئی تھی۔