مسجد الحرام: موسلادھار بارش میں بھی طواف جاری رہا، روح پرور منظر وائرل
سعودی خبر رساں ادارے کے مطابق بارش کے باوجود عمرہ زائرین نے طواف جاری رکھا اور اللہ کے حضور سجدہ ریز ہوتے رہے اور بندگی کا انمول منظر وجود میں آیا تاہم حرم شریف کے یہ روح پرور مناظر کی ویڈیو سوشل میڈیا پر بھی گردش کر رہی ہے اور مقبول ہورہی ہے۔
حرمین شریفین انتظامیہ نے بارش کے دوران زائرین کی حفاظت کے لیے فوری انتظامات کیے، مطاف، نماز کے مقامات اور داخلی راستوں سے پانی کی نکاسی کے ساتھ ساتھ فرش خشک کرنے کا عمل بھی جاری رکھا گیا۔
یہ بھی پڑھیں: عازمین حج کی سہولت کے لیے پاک حج ایپ پر متعدد نئے فیچرز متعارف
دوسری جانب جنرل ڈائریکٹوریٹ آف سول ڈیفنس نے سعودی عرب کے مختلف علاقوں میں بارش کی پیش نظر پہلے ہی الرٹ جاری کر رکھا تھا۔
بارش کے باعث مملکت کے معتدد علاقوں میں سڑکیں بھی زیر آب اگئی تاہم متعلقہ اداروں کی جانب سے صورتحال کی نگرانی اور ضروری اقدامات جاری رہے۔
