سعودی عرب جانے والے افراد کیلئے بڑی سہولت کا اعلان
سعودی وزارت داخلہ کے مطابق سنگل اور ملٹی پل وزٹ ویزوں کی توسیع کیلئے آن لائن درخواست دینے کی سہولت فراہم کی گئی ہے، اس اقدام کا مقصد وزٹ ویزا میں توسیع کے عمل کو آسان اور سہل بنانا ہے۔
واضح رہے کہ سعودی محکمہ پاسپورٹ، جوازات کے مطابق سعودی عرب میں موجود شہریوں اور مقیم غیر ملکیوں کیلئے بھی یہ سہولت دستیاب ہوگی، جس کے ذریعے وزٹ ویزا کی توسیع کا عمل آن لائن مکمل کیا جاسکے گا۔
وزٹ ویزا رکھنے والے افراد ویزا توسیع کیلئے ابشر پلیٹ فارم کے ذریعے درخواست جمع کراسکتے ہیں۔ اس سہولت سے درخواست گزاروں کو ویزا توسیع کیلئے متعلقہ دفاتر کے بار بار چکر لگانے کی ضرورت کم ہوگی۔
آن لائن نظام کے ذریعے درخواست جمع کرانے سے ویزا توسیع کے عمل میں آسانی پیدا ہونے کی توقع ہے، جبکہ سعودی عرب میں موجود وزٹ ویزا ہولڈرز اپنی درخواست ڈیجیٹل طریقے سے مکمل کرسکیں گے۔
واضح رہے کہ سعودی عرب میں وزٹ ویزا پر آنے والے افراد کیلئے ویزا کی مدت اور اس میں توسیع سے متعلق قوانین کی پابندی ضروری ہے۔
درخواست گزاروں کو چاہیے کہ وہ ویزا ختم ہونے سے قبل مقررہ طریقہ کار کے مطابق توسیع کی درخواست جمع کرائیں اور متعلقہ شرائط کو پورا کریں۔
یہ بھی پڑھیں:جمہوریہ کانگو میں فوجی طیارہ گر کر تباہ ہوگیا، 14 افراد ہلاک
سعودی وزارت داخلہ کی جانب سے متعارف کرائی گئی اس آن لائن سہولت سے سنگل اور ملٹی پل وزٹ ویزا رکھنے والے افراد کو ویزا توسیع کے عمل میں مزید سہولت میسر آئے گی۔
