آیت اللہ خامنہ ای کے جنازے میں کتنے لوگوں نے شرکت کی؟جانیے
ایرانی سرکاری نشریاتی ادارے پریس ٹی وی کے مطابق نمازِ جنازہ اور تدفین کی تقریبات تہران، قم، نجف، کربلا اور مشہد سمیت پانچ مختلف شہروں میں منعقد ہوئیں، جہاں لاکھوں افراد نے مرحلہ وار تقریبات میں شرکت کی۔
رپورٹس کے مطابق سرکاری عوامی جنازے کی کارروائیاں ہفتے کے روز تہران کے گرینڈ مصلیٰ مذہبی کمپلیکس سے شروع ہوئیں، جہاں ہزاروں افراد نے تابوت کی آخری زیارت کی، بعد ازاں مختلف مراحل میں مذہبی رسومات اور عوامی اجتماعات کا انعقاد کیا گیا۔
ایرانی میڈیا کا کہنا ہے کہ ان تقریبات میں مختلف ممالک کے سربراہان، وزرا اور اعلیٰ حکام نے بھی شرکت کی، اس کے علاوہ ایران کے علاقائی اتحادی گروپوں کے وفود بھی جنازے اور تعزیتی تقریبات میں شریک ہوئے۔
یاد رہے کہ علی خامنہ ای 28 فروری کو تہران میں اپنی رہائش گاہ پر ہونے والے ایک حملے میں شہید ہوئے تھے، اس حملے کا ذمہ دار امریکا اور اسرائیل ہیں۔
یہ بھی پڑھیں:شہید ایرانی سپریم لیڈر آیت اللہ علی خامنہ ای مشہد میں سپرد خاک
انہیں چار ماہ بعد مشہد میں امام رضاؑ کے مزار کے احاطے میں سپردِ خاک کیا گیا، آخری رسومات کے دوران ملک بھر میں سکیورٹی کے سخت انتظامات کیے گئے، جبکہ لاکھوں افراد نے مختلف شہروں میں تعزیتی اجتماعات اور دعائیہ تقریبات میں شرکت کی۔
