نیوزی لینڈ نے ہنرمند افراد کیلئے دروازے کھول دیے
رپورٹس کے مطابق اسکلڈ مائیگرنٹ ریزیڈنٹ ویزا کے ذریعے اہل افراد طویل المدت قیام اختیار کر سکتے ہیں اور تعلیم، ملازمت اور دیگر سہولیات سے فائدہ اٹھا سکتے ہیں۔ اس اسکیم کو ایسے وقت میں متعارف کرایا گیا ہے جب ملک کو مختلف شعبوں میں ہنر مند افرادی قوت کی ضرورت ہے۔
ویزے کے حصول کیلئے درخواست گزاروں کو مخصوص معیار پر پورا اترنا ہوگا، جن میں عمر کی حد، انگریزی زبان پر مہارت، اچھی صحت اور کسی منظور شدہ آجر کی جانب سے ملازمت کی پیشکش شامل ہیں۔
اس کے علاوہ امیدواروں کو پوائنٹس سسٹم کے تحت کم از کم چھ اسکلڈ پوائنٹس حاصل کرنا لازمی ہوگا، جو ان کی قابلیت اور تجربے کی بنیاد پر دیے جائیں گے۔
اس اسکیم کی ایک نمایاں خصوصیت یہ ہے کہ درخواست گزار اپنے شریکِ حیات اور 24 سال تک کے زیر کفالت بچوں کو بھی اپنے ساتھ لا سکتے ہیں، جس سے خاندانوں کیلئے بیرون ملک منتقل ہونا آسان ہو جائے گا۔
یہ بھی پڑھیں:متحدہ عرب امارات کا اوپیک اور اوپیک پلس سے علیحدگی کا اعلان
مزید برآں ابتدائی طور پر دو سال قیام کے بعد مستقل رہائش حاصل کرنے کا امکان بھی موجود ہے، جس کے بعد افراد کو ملک میں آزادانہ رہائش اور ملازمت کے مواقع میسر آئیں گے۔
