میسی کا ریٹائرمنٹ کے بعد بڑا یوٹرن
ارجنٹائن فٹبال ایسوسی ایشن کی جانب سے تصدیق کی گئی ہے کہ لیونل میسی 6 اکتوبر کو بیونس آئرس میں بینن کیخلاف میچ میں ارجنٹائن کی نمائندگی کریں گے، یہ مقابلہ قومی ٹیم کے ساتھ میسی کا الوداعی میچ قرار دیا جارہا ہے۔
ذہن نشین رہے کہ میسی نے 2026 کے فیفا ورلڈ کپ فائنل میں ارجنٹائن کو اسپین کے ہاتھوں شکست کے بعد بین الاقوامی فٹبال سے ریٹائرمنٹ کا اعلان کیا تھا، تاہم اب ارجنٹائن کے کوچ لیونل اسکالونی نے بینن کیخلاف میچ کیلئے ابتدائی 26 رکنی اسکواڈ میں میسی کو بھی شامل کرلیا ہے۔
ارجنٹائن فٹبال ایسوسی ایشن کے مطابق میسی کو قومی ٹیم کی جانب سے شاندار اور یادگار انداز میں الوداع کہا جائے گا۔ اس موقع پر 2022 کا فیفا ورلڈ کپ جیتنے والی ارجنٹائن کی ٹیم کے ارکان کو بھی خصوصی طور پر مدعو کیا جائے گا۔
ایسوسی ایشن کی جانب سے میسی کے بین الاقوامی کیریئر کے اختتام پر ایک خصوصی تقریب منعقد کرنے کا منصوبہ بھی بنایا گیا ہے، جس میں ان کی قومی ٹیم کیلئے خدمات کو خراج تحسین پیش کیا جائے گا۔
یہ بھی پڑھیں:بابر اعظم کی 7 سال بعد ڈومیسٹک کرکٹ میں واپیسی
میسی نے ارجنٹائن کے ساتھ 2022 کا فیفا ورلڈ کپ جیتنے کے علاوہ متعدد اہم کامیابیاں حاصل کیں اور قومی ٹیم کیلئے طویل عرصے تک نمایاں کردار ادا کیا۔
اب بینن کیخلاف ہونے والا میچ شائقین کیلئے خصوصی اہمیت اختیار کرگیا ہے، جہاں میسی ایک مرتبہ پھر ارجنٹائن کی جرسی میں میدان میں نظر آئیں گے۔
