عاقب جاوید کی بیٹی نے برطانیہ میں شادی کرلی، تصاویر وائرل
تفصیلات کے مطابق عاقب جاوید کی اہلیہ، شاعرہ اور مصنفہ فرزانہ عاقب نے اپنی بیٹی کی شادی کی تصاویر سوشل میڈیا پر شیئر کیں، جن میں عقبہ عاقب کو سفید بغیر آستین کے لباس میں دیکھا جاسکتا ہے جبکہ دولہا رسمی سوٹ میں ملبوس نظر آیا۔
.jpg)
فرزانہ عاقب نے تصاویر شیئر کرتے ہوئے بتایا کہ ان کی بیٹی کی شادی 9 اگست کو برطانیہ میں ہوئی۔ انہوں نے دونوں خاندانوں کے لیے خوشگوار اور کامیاب ازدواجی زندگی کی دعا بھی کی۔
عقبہ عاقب کو اعلیٰ تعلیم یافتہ بتایا جاتا ہے۔ انہوں نے تقریباً تین سے چار سال قبل یونیورسٹی آف سسیکس سے میڈیا اور انٹرنیشنل جرنلزم میں گریجویشن مکمل کی تھی۔
عاقب جاوید کی اہلیہ فرزانہ عاقب انگریزی شاعری اور ادبی خدمات کے حوالے سے جانی جاتی ہیں۔ ان کے فیس بک پیج کے مطابق وہ انگریزی شاعری کی 70 سے زائد کتابیں تصنیف کرچکی ہیں اور متعدد بین الاقوامی ادبی ایوارڈز بھی حاصل کرچکی ہیں۔
دوسری جانب عاقب جاوید پاکستان کے سابق انٹرنیشنل کرکٹر ہیں اور اس وقت قومی کرکٹ ٹیم کے تینوں فارمیٹس کے ہیڈ کوچ کی ذمہ داریاں انجام دے رہے ہیں۔ وہ پاکستان کرکٹ بورڈ کی مینز نیشنل سلیکشن کمیٹی کے رکن بھی ہیں۔
