نویں سے بارہویں جماعت کے سمارٹ سلیبس کا اعلان
صوبائی وزیر تعلیم رانا سکندر حیات کے مطابق سمارٹ سلیبس کی تیاری آخری مراحل میں داخل ہوچکی ہے اور پنجاب ایگزامینیشنز اینڈ اسیسمنٹ اتھارٹی (پیکٹا) ہفتے کے روز سمارٹ سلیبس کی تفصیلات جاری کرے گی۔
رانا سکندر حیات نے بتایا کہ طلباء کی تعلیمی ضروریات کو مدنظر رکھتے ہوئے سمارٹ سلیبس تیار کیا جا رہا ہے، جس کا مقصد انہیں آئندہ سال ہونے والے بورڈ امتحانات کی تیاری میں آسانی فراہم کرنا ہے۔
ان کا کہنا تھا کہ سمارٹ سلیبس کے ذریعے طلباء کو امتحانات کی تیاری کیلئے زیادہ منظم انداز میں رہنمائی مل سکے گی، جبکہ انہیں اہم نصابی مواد پر توجہ مرکوز کرنے میں بھی مدد ملے گی۔
دوسری جانب طلباء اور والدین بھی سمارٹ سلیبس کے اجرا کے منتظر ہیں، کیونکہ اس سے امتحانی تیاری کے حوالے سے اہم رہنمائی ملنے کی توقع ہے۔
پیکٹا ہفتے کے روز سمارٹ سلیبس کی مکمل تفصیلات سامنے لائے گا، جس کے بعد نویں سے بارہویں جماعت کے طلباء کو معلوم ہوسکے گا کہ آئندہ بورڈ امتحانات کیلئے نصاب میں کیا تبدیلیاں کی گئی ہیں۔
یہ بھی پڑھیں:پیٹرولیم مصنوعات کی قیمتوں میں حیران کن کمی،نوٹیفکیشن جاری
واضح رہے کہ سمارٹ سلیبس کا اعلان ایسے وقت میں کیا گیا ہے جب طلباء آئندہ سال کے بورڈ امتحانات کی تیاری میں مصروف ہیں۔
