پی ٹی آئی کے سینئر رہنما جاوید کوثر گرفتار
تفصیلات کے مطابق پی ٹی آئی کے ایم پی اے جاوید کوثر جی ایچ کیو حملہ کیس میں پیش ہونے کیلئے انسداد دہشت گردی عدالت پہنچے تھے، جہاں پولیس نے انہیں عدالت کے مرکزی گیٹ سے حراست میں لے لیا۔
ذرائع کے مطابق انسداد دہشت گردی عدالت کے باہر صبح سے ہی پولیس کی بھاری نفری تعینات تھی، عدالت کے اطراف سیکیورٹی کے سخت انتظامات کیے گئے تھے جبکہ پولیس اہلکار آنے جانے والے افراد پر نظر رکھے ہوئے تھے۔
اطلاعات کے مطابق جاوید کوثر کی گرفتاری کے ساتھ گوجر خان سے تعلق رکھنے والے ایک اور ایم پی اے سمیت تحریک انصاف کے مزید دو کارکنوں کو بھی حراست میں لیا گیا ہے۔
پولیس نے گرفتار ہونے والے افراد کو تھانہ سول لائن منتقل کردیا، تاہم فوری طور پر ان کی گرفتاری کی مزید وجوہات اور آئندہ قانونی کارروائی سے متعلق تفصیلات سامنے نہیں آسکیں۔
واضح رہے کہ جی ایچ کیو حملہ کیس 9 مئی 2023ء کے واقعات سے متعلق اہم مقدمات میں شامل ہے، جس میں تحریک انصاف کے متعدد رہنماؤں اور کارکنوں کے خلاف قانونی کارروائی جاری ہے۔
یہ بھی پڑھیں:اپوزیشن کی باہمی اختلافات ختم کرنے کیلئے کمیٹی قائم
راولپنڈی میں انسداد دہشت گردی عدالت کے باہر پولیس کی بھاری نفری کی تعیناتی اور پی ٹی آئی رہنماؤں کی گرفتاریوں نے سیاسی صورتحال کو ایک بار پھر توجہ کا مرکز بنا دیا ہے۔
