مدھم فنگر پرنٹس والے شہریوں کیلئے نادرا کا نیا حل متعارف
نادرا ترجمان کے مطابق شہریوں کی جانب سے فنگر پرنٹس کی شناخت میں دشواری سے متعلق شکایات موصول ہوئی تھیں، جس کے بعد ایسے افراد کے لیے متبادل بائیومیٹرک تصدیق کی سہولت فراہم کی گئی ہے۔
نئی سہولت کے تحت ان شہریوں کی شناخت بھی مکمل کی جا سکے گی جن کی انگلیوں کے نشانات کسی وجہ سے واضح نہیں رہتے یا بائیومیٹرک ڈیوائس انہیں درست طور پر شناخت نہیں کر پاتی۔
مزید پڑھیں: خواتین کے شناختی کارڈ بنوانے کیلئے نادرا کا نئے طریقے کا اعلان
حکام کا کہنا ہے کہ بعض افراد کو فنگر پرنٹس کی تصدیق نہ ہونے کے باعث مختلف اداروں میں مشکلات پیش آتی ہیں، خاص طور پر بینکوں میں بائیو میٹرک تصدیق کے دوران یہ مسئلہ سامنے آتا ہے۔
نادرا کے مطابق متبادل تصدیقی نظام سے ایسے شہریوں کو شناخت ثابت کرنے کا دوسرا راستہ ملے گا، جس سے بائیو میٹرک تصدیق سے متعلق ان کی مشکلات کم ہونے میں مدد ملے گی۔
