لانگ مارچ ملتوی کرنے کا فیصلہ پارٹی کا اندرونی فیصلہ تھا، سلمان اکرم راجہ

تفصیلات کے مطابق لاہور میں میڈیا سے گفتگو کرتے ہوئے سلمان اکرم راجہ نے کہا کہ لانگ مارچ ملتوی کیے جانے کے بعد حکومت کی جانب سے مذاکرات کے حوالے سے اب تک کوئی واضح سگنل نہیں ملا، تاہم تحریک انصاف نے حکومت کو مزید وقت دینے کا فیصلہ کیا ہے تاکہ وہ اپنے فیصلوں پر نظر ثانی کرسکے۔

پی ٹی آئی رہنما کا کہنا تھا کہ 27 ستمبر کا لانگ مارچ کسی بیک ڈور رابطے کے نتیجے میں ملتوی نہیں کیا گیا بلکہ یہ پارٹی کا انفرادی فیصلہ تھا

یہ بھی پڑھیں:سہیل آفریدی کو بانی پی ٹی آئی کا مکمل اعتماد حاصل ہے، بیرسٹر گوہر

انہوں نے کہا کہ اگر حکومت اور پارٹی کے درمیان کسی معاملے پر بات چیت ہوگی تو علامہ ناصر عباس اور محمود اچکزئی موجود ہیں۔

سلمان اکرم راجہ نے مزید کہا کہ اگر کوئی رابطہ کاری ہوتی ہے تو ضروری نہیں کہ اسے فوری طور پر منظر عام پر لایا جائے، سیاسی معاملات میں بعض اوقات پس پردہ مشاورت بھی جاری رہتی ہے۔

انہوں نے ملک میں دہشتگردی کی تازہ لہر کا ذکر کرتے ہوئے کہا کہ موجودہ صورتحال اس بات کا تقاضہ کرتی ہے کہ تمام فریق مل بیٹھ کر بات کریں۔

سلمان اکرم راجہ نے کہا کہ مذاکرات کے نتیجے میں اگر کوئی فیصلہ سامنے آیا تو تحریک انصاف اس کی پاسداری کرے گی۔