گجرپورہ: جائیداد کے تنازعہ پر 80 سالہ باب کو قتل کرنیوالا بیٹا گرفتار
پولیس کے مطابق مقتول محمد عظیم کو اس کے سگے بیٹے نے جائیداد کے معاملے پر فائرنگ کرکے قتل کیا تھا، جس کے بعد دونوں ملزمان موقع سے فرار ہوگئے تھے۔
واقعے کا نوٹس لیتے ہوئے ڈی آئی جی انویسٹیگیشن سید ذیشان رضا نے ملزمان کی فوری گرفتاری کے احکامات جاری کیے۔
انچارج انویسٹیگیشن تھانہ گجر پورہ ممتاز حسین نے پولیس ٹیم کے ہمراہ کارروائی کرتے ہوئے دونوں ملزمان کو گرفتار کر لیا۔
یہ بھی پڑھیں: کارگو جہاز میں آگ لگ گئی، 25 افراد ہلاک
ایس پی انویسٹیگیشن سول لائن غلام دستگیر کے مطابق ملزمان کو پیشہ ورانہ مہارت اور ہیومن انٹیلیجنس سے حاصل ہونے والی معلومات کی مدد سے گرفتار کیا گیا۔
ڈی آئی جی انویسٹیگیشن سید ذیشان رضا نے کہا کہ ملزمان قانون کی گرفتاری میں ہیں، ان کے خلاف مضبوط چالان تیار کرکے انہیں قانون کے مطابق سزا دلوانے کی کوشش کی جائے گی۔
انہوں نے کہا کہ قانون کی خلاف ورزی کرنے والوں کے خلاف سخت کارروائی جاری رکھی جائے گی۔
دوسری جانب ایس ایس پی محمد نوید نے کامیاب کاروائی پر پولیس ٹیم کیلئے تعریفی اسناد دینے کا اعلان کیا ہے۔
