بی آئی ایس پی تعلیمی وظائف کیلئے رجسٹریشن کا آسان طریقہ جانیے
تفصیلات کے مطابق بینظیر تعلیمی وظائف پروگرام میں رجسٹریشن کیلئے ضروری ہے کہ بچے کی والدہ بینظیر کفالت پروگرام میں اہل ہوں، اس کے علاوہ بچے کا نادرا کی جانب سے جاری کردہ فارم ب بھی لازمی قرار دیا گیا ہے۔
رجسٹریشن کے عمل کیلئے بچے کو ہمراہ لے کر قریبی بی آئی ایس پی تحصیل دفتر جانا ہوگا، والدین کو بچے کا فارم ب اور وہ موبائل نمبر فراہم کرنا ہوگا جو پہلے سے بی آئی ایس پی کے ریکارڈ میں رجسٹرڈ ہو۔
رجسٹریشن مکمل ہونے کے بعد بی آئی ایس پی تحصیل دفتر سے انرولمنٹ سلپ حاصل کی جائے گی، اس سلپ کو بچے کے اسکول سے مکمل کروانا ہوگا، جس میں بچے کی کلاس، سیکشن، کلاس ٹیچر کا نام، ہیڈ ٹیچر کے دستخط اور دیگر مطلوبہ معلومات درج کی جائیں گی۔
اسکول سے مکمل شدہ انرولمنٹ سلپ دوبارہ متعلقہ بی آئی ایس پی تحصیل دفتر میں جمع کروانا ہوگی، ضروری تصدیق اور دیگر مراحل مکمل ہونے کے بعد بچے کا تعلیمی وظیفہ جاری کردیا جائے گا۔
حکام کے مطابق تعلیمی وظیفہ جاری رکھنے کیلئے بچے کی اسکول میں کم از کم 70 فیصد حاضری ضروری ہے، اگر بچہ اسکول تبدیل کرے تو والدین کو فوری طور پر قریبی بی آئی ایس پی تحصیل دفتر کو اطلاع دینی ہوگی تاکہ ریکارڈ بروقت اپ ڈیٹ کیا جاسکے۔
یہ بھی پڑھیں:میٹرک رزلٹ میں بڑی غلطی،عافیہ نعیم ری چیکنگ کے بعد تیسری پوزیشن پر آگئیں
بی آئی ایس پی نے واضح کیا ہے کہ پروگرام کی تمام سہولیات مفت فراہم کی جاتی ہیں، کسی بھی مرحلے پر اگر کوئی شخص پیسوں کا مطالبہ کرے تو اس کیخلاف فوری طور پر شکایت درج کرائی جائے۔
