ایمبولینس پر اندھا دھند فائرنگ، 4 افراد جاں بحق
واقعے کے بعد علاقے میں خوف و ہراس پھیل گیا، پولیس اور سکیورٹی اداروں نے موقع پر پہنچ کر شواہد اکٹھے کرنا شروع کر دیے ہیں۔
پولیس حکام کے مطابق نجی ایمبولینس معمول کے مطابق سفر کر رہی تھی کہ اچانک نامعلوم حملہ آوروں نے اس پر اندھا دھند فائرنگ کر دی۔ شدید فائرنگ کے باعث ایمبولینس میں سوار چاروں افراد موقع پر ہی دم توڑ گئے۔ جاں بحق افراد کی لاشوں کو فوری طور پر ڈسٹرکٹ ہیڈکوارٹر اسپتال بنوں منتقل کر دیا گیا ہے جہاں ضروری کارروائی جاری ہے۔
ابتدائی تحقیقات کے بعد پولیس کا کہنا ہے کہ واقعہ بظاہر دہشت گردی معلوم ہوتا ہے، تاہم حتمی رائے مکمل تفتیش کے بعد دی جائے گی۔ پولیس نے علاقے کو گھیرے میں لے کر سرچ آپریشن شروع کر دیا ہے۔
واقعے کی اطلاع ملتے ہی مقامی انتظامیہ، سکیورٹی فورسز اور امدادی ٹیمیں جائے وقوعہ پر پہنچ گئیں، امن و امان کی صورتحال کو یقینی بنانے کیلئے علاقے میں اضافی نفری تعینات کر دی گئی ہے۔
یہ بھی پڑھیں:بلوچستان میں زلزلے کے شدید جھٹکے
بنوں میں پیش آنے والے اس افسوسناک واقعے پر شہریوں نے شدید تشویش کا اظہار کرتے ہوئے حملہ آوروں کو فوری گرفتار کر کے قانون کے کٹہرے میں لایا جائے۔
