سمر انٹرن شپ پروگرام 2026 کا اعلان

تفصیلات کے مطابق دو ماہ پر مشتمل یہ پروگرام 15 جون سے 15 اگست 2026 تک جاری رہے گا جس میں قانون، انتظامیہ، انفارمیشن ٹیکنالوجی اور میڈیا کے شعبوں سے تعلق رکھنے والے آخری سال کے طلبہ اور حال ہی میں گریجویٹس مکمل کرنے والے نوجوان حصہ لے سکیں گے۔

یہ بھی پڑھیں: بجٹ، تنخواہوں میں 10 اور پنشن میں 7 فیصد اضافے کی تجویز

ادارے کے مطابق پروگرام کا مقصد نوجوانوں کو وفاقی ادارے میں عملی تجربہ فراہم کرنا اور انہیں محفوظ، باوقار اور مساوی مواقع پر مبنی کام کے ماحول کے فروغ سے متعلق امور سے آگاہ کرنا ہے۔

حکام کا کہنا ہے کہ انٹرن شپ کے دوران شرکاء کو سرکاری امور کے عملی مشاہدے، پیشہ ورانہ مہارتوں میں اضافے اور مختلف منصوبوں میں حصہ لینے کا موقع ملے گا۔

درخواستیں جمع کرانے کی آخری تاریخ 5 جون 2026 مقرر کی گئی ہے جبکہ امیدوار مقررہ فارم کے ذریعے اپنی درخواست جمع کرا سکتے ہیں۔