اس اقدام کا مقصد موجودہ حالات میں طلبا کی تعلیم کو متاثر ہونے سے بچانا اور تدریسی عمل کو جاری رکھنا ہے۔

صوبائی وزیر تعلیم کے مطابق طلبا، اساتذہ اور والدین کے تعاون کو سراہتے ہوئے یہ فیصلہ کیا گیا، تاکہ تعلیمی سرگرمیاں بغیر کسی رکاوٹ کے جاری رہ سکیں۔

محکمہ تعلیم پنجاب کی جانب سے جاری کردہ نوٹیفکیشن میں بتایا گیا کہ تمام سرکاری اور نجی تعلیمی ادارے جمعہ، ہفتہ اور اتوار کو بند رہیں گے، جبکہ جمعہ کے روز گھروں سے تعلیم کا سلسلہ جاری رکھا جائے گا۔

نوٹیفکیشن کے مطابق اب تعلیمی ادارے ہفتے میں 4 دن یعنی پیر سے جمعرات تک کھلے رہیں گے، ان دنوں میں اسکولز کا وقت صبح 8 بجے سے دوپہر ڈیڑھ بجے تک مقرر کیا گیا ہے تاکہ طلبا باقاعدگی سے اپنی تعلیم جاری رکھ سکیں۔

مزید برآں دو شفٹوں میں چلنے والے تعلیمی اداروں کیلئے بھی نیا شیڈول جاری کیا گیا ہے، پہلی شفٹ صبح 8 بجے سے ساڑھے 12 بجے تک ہوگی جبکہ دوسری شفٹ دوپہر 1 بجے سے شام ساڑھے 5 بجے تک جاری رہے گی۔

یہ بھی پڑھیں:ٹرین کی دو بوگیاں پٹڑی سے اتر گئیں

تعلیمی ماہرین کا کہنا ہے کہ یہ اقدام وقتی طور پر طلبا کیلئے سہولت فراہم کرے گا، تاہم اس کے نتائج کا انحصار اساتذہ اور طلبا کے باہمی تعاون پر ہوگا۔