معروف گلوکار عمیر جسوال کے والد انتقال کر گئے
والد کے انتقال کی افسوسناک خبر عمیر جسوال نے اپنے سوشل میڈیا اکاؤنٹس کے ذریعے مداحوں اور دوستوں کے ساتھ شیئر کی، جس کے بعد شوبز حلقوں میں بھی افسوس کی لہر دوڑ گئی۔
طارق مجید جسوال ہائیڈروکاربنز کے شعبے سے وابستہ معروف شخصیت تھے، ان کے انتقال کی خبر سامنے آنے کے بعد عمیر جسوال کے مداحوں، ساتھی فنکاروں اور شوبز شخصیات کی جانب سے تعزیت اور اظہارِ افسوس کا سلسلہ جاری ہے۔
عمیر جسوال پاکستان کے معروف گلوکاروں اور موسیقاروں میں شمار ہوتے ہیں اور ان کا تعلق ایک ایسے خاندان سے ہے جہاں موسیقی اور شوبز سے وابستگی نمایاں رہی ہے۔ ان کے بھائی عزیر جسوال اور یاسر جسوال بھی شوبز کے شعبے سے وابستہ ہیں۔
والد کے انتقال پر عمیر جسوال نے سوشل میڈیا کے ذریعے اپنے غم کا اظہار کیا، خبر سامنے آنے کے بعد مداحوں کی جانب سے بھی تعزیتی پیغامات کا سلسلہ شروع ہوگیا۔
سوشل میڈیا صارفین نے طارق مجید جسوال کے انتقال پر عمیر جسوال اور ان کے اہلِ خانہ سے دلی ہمدردی کا اظہار کیا اور مرحوم کیلئے دعائے مغفرت کی۔
شوبز سے وابستہ افراد نے بھی جسوال خاندان کے ساتھ اظہارِ تعزیت کرتے ہوئے مرحوم کے درجات کی بلندی اور اہلِ خانہ کیلئے صبر کی دعا کی۔
یہ بھی پڑھیں:بھارتی فلم انڈسٹری کی سینئر اداکارہ انتقال کر گئیں
عمیر جسوال کے مداحوں نے بھی اس مشکل وقت میں گلوکار اور ان کے خاندان کے ساتھ اظہارِ یکجہتی کرتے ہوئے مرحوم کیلئے مغفرت کی دعائیں کی ہیں۔
