واقعہ تھانہ حسین آباد کی حدود میں پیش آیا، مقامی افراد کے مطابق نوجوان شبیر اسلحہ کے ساتھ ویڈیو بنا رہا تھا کہ اچانک گولی چل گئی جو اسے جا لگی، گولی لگتے ہی وہ موقع پر ہی دم توڑ گیا، جس سے علاقے میں خوف و ہراس پھیل گیا۔
اطلاع ملتے ہی پولیس موقع پر پہنچ گئی اور ضروری کارروائی کے بعد لاش کو قریبی ہسپتال منتقل کر دیا گیا، پولیس حکام کا کہنا ہے کہ واقعے کی مختلف پہلوؤں سے تحقیقات کی جا رہی ہیں تاکہ یہ معلوم کیا جا سکے کہ یہ حادثہ تھا یا کسی اور وجہ سے پیش آیا۔
اہل علاقہ کا کہنا ہے کہ نوجوان سوشل میڈیا پر مشہور ہونے کیلئے خطرناک ویڈیوز بنانے کا شوق رکھتا تھا، جس کے باعث اس نے احتیاطی تدابیر کو نظر انداز کیا۔
پولیس نے شہریوں کو ہدایت کی ہے کہ اسلحہ کے استعمال میں انتہائی احتیاط برتیں اور غیر ضروری نمائش سے پرہیز کریں۔
یہ بھی پڑھیں:معروف نغمہ نگار الطاف باجوہ انتقال کر گئے
والدین سے بھی اپیل کی گئی ہے کہ وہ اپنے بچوں کی سرگرمیوں پر نظر رکھیں تاکہ ایسے افسوسناک واقعات سے بچا جا سکے۔
یہ واقعہ ایک بار پھر اس بات کی یاد دہانی ہے کہ سوشل میڈیا پر شہرت کی خواہش بعض اوقات جان لیوا ثابت ہو سکتی ہے۔
