امریکی اداکار مایکل بی جارڈن نے فلمSinners میں شاندار اداکاری پر بیسٹ ایکٹر آسکر جیت لیا۔ اس فلم میں انہوں نے جڑواں بھائیوں کا کردار ادا کیا جو ایک پراسرار اور خطرناک طاقت کا سامنا کرتے ہیں۔
آئرش اداکارہ جیسی بکلی نے فلمHamnet میں شاندار اداکاری کے باعث بہترین اداکارہ کا آسکر جیتا۔ اس فلم میں انہوں نے ماں کے کردار کو انتہائی جذباتی انداز میں پیش کیا جس میں محبت اور غم کے احساسات نمایاں تھے۔
جیسی بکلی نے اس کیٹیگری میں دیگر نامزد اداکاراؤں کو پیچھے چھوڑا جن میں روز برن (If I Had Legs I'd Kick You)، رینیٹے رینسوے (Sentimental Value)، ایما اسٹون (Bugonia) اور کیٹ ہڈسن (Song Sung Blue) شامل تھیں۔
فلمOne Battle After Another کے لیے پال تھامس اینڈرسن نے بہترین ہدایتکار کا آسکر جیتا۔ اسی فلم نے بہترین فلم (Best Picture) کا ایوارڈ بھی اپنے نام کیا۔
یہ بھی پڑھیں: آئل ٹینکرز پر حملہ، عالمی منڈی میں تیل مہنگا
تقریب میں شان پین اور ایمی میڈیگن نے معاون اداکار اور معاون اداکارہ کے ایوارڈ جیتے جس سے تقریب کا جوش مزید بڑھ گیا۔
ریان کوگلر نے فلمSinners کے لیے بہترین اوریجنل اسکرین پلے کا ایوارڈ حاصل کیا، پال تھامس اینڈرسن نے بہترین ایڈاپٹڈ اسکرین پلے کا ایوارڈ جیتا اور ناروے کی فلمSentimental Value نے بہترین بین الاقوامی فلم کا ایوارڈ اپنے نام کیا۔
آسکر 2026 کی تقریب حیران کن لمحات، جذباتی تقاریر اور شاندار کامیابیوں سے بھرپور رہی، جس نے فلمی دنیا کی بہترین صلاحیتوں کو خراج تحسین پیش کیا۔
